Kuvendi

Kuvendi Komunal është organi më i lartë përfaqësues i pushtetit në Komunë, i cili ushtron funksionin e pushtetit lokal të përcaktuar me këtë Statut.
Funksionet e Komunës ushtrohen nga Kuvendi dhe organet e tij.
Mandati i anëtarëve të Kuvendit është katërvjeçar. Mandati i parë i anëtarëve të Kuvendit është dy vjet.
Anëtarët e Kuvendit kanë të drejta dhe detyra të barabarta, të përcaktuara me këtë Statut dhe rregullat e procedurave të Kuvendit.

-         Kuvendi Komunal nxjerr Statutin dhe e ndryshon atë nëse konsideron se një gjë e tillë është e nevojshme. Statuti rregullon realizimin e përgjegjësive të Komunës ashtu siq është përcaktuar. Vendimi për nxjerrjen apo ndryshimin e Statutit aprovohet me votimin “për” të më shumë se dy të tretave (2/3) të anëtarëve prezentë që votojnë në mbledhjen, në të cilën shqyrtohet propozimi.

-         Kuvendi Komunal i miraton Rregullat e Procedurave dhe mund t’i ndryshojë ato nëse konsideron se një gjë e tillë është e nevojshme. Rregullat e procedurave duhet të sigurojnë udhëheqjen dhe kontrollin, duke përfshirë kontrollin efikas financiar të administratës së Komunës. Vendimi për miratimin apo ndryshimin e Rregullave të Procedurave aprovohet me votimin “për” të më shumë se gjysmës së anëtarëve prezentë që votojnë në mbledhjen, në të cilën propozimi shqyrtohet.

-         Kuvendi i Komunës nuk mund të delegojë kompetencën e vet për marrjen e vendimeve lidhur me:

a)      aprovimin e buxhetit,

b)      aprovimin e çështjeve të tjera financiare, që sipas Statutit dhe Rregullave të Procedurave i janë lënë Kuvendit,

c)      kompenzimet për anëtarët e zgjedhur,

d)      raportin vjetor,

e)      miratimin, ndryshimin dhe anulimin e akteve lokale,

f)        krijimin e Komiteteve që përcakton Statuti,

g)      emërimin e Drejtorëve dhe zëvendësdrejtorëve të Komunës,

h)      emërimin e Zyrtarit të Lartë Ekzekutiv,

i)        emërimin e Bordit të Drejtorëve,

j)        nivelin e pagesave dhe çmimeve,

k)      krijimin dhe përdorimin e simboleve, dekorimeve dhe titujve të nderit,

l)        emërtimin dhe riemërtimin e venbanimeve, rrugëve, vendeve të tjera publike.Vendimi për emërtim apo riemërtim të çfardo sheshi,rruge apo vendi tjetër publik,duhet të miratohet së paku nga 2/3 e anëtarëve të Kuvendit Komunal.

m)    bërjen e planeve dhe marrëveshjeve.

-         Kuvendi Komunal mund të delegojë autorizimin lidhur me nxjerrjen e ndonjë vendimi, një Komiteti të Kuvendit, Kryetarit apo Kryeshefit Ekzekutiv. Kuvendi i Komunës autorizimin e deleguar mund ta revokojë në çdo kohë. Një autorizim i deleguar mund të delegohet edhe më tej brenda autoritetit të caktuar me këtë Statut.

-         Emërton drejtorët ose përgjegjësit e ndërmarrjeve dhe institucioneve që kryejnë punë dhe shërbime me interes për komunën.